جرائم عالمية حقيقية وقصص شيقة (الحلقة الأولي)

[ الحلقة الأولى ]

إغتيال عالمة الذرة المصرية



سميرة موسى (3 مارس 1917 - 15 أغسطس 1952 م) هي أول عالمة ذرة مصرية ولقبت باسم ميس كوري الشرق، وكذلك أول معيدة في كلية العلوم بجامعة فؤاد الأول ، جامعة القاهرة حاليا.
مصرعها
استجابت الدكتورة سميرة إلى دعوة للسفر إلى أمريكا في عام 1952، أتيحت لها فرصة إجراء بحوث في معامل جامعة سان لويس بولاية ميسوري الأمريكية، تلقت عروضاً لكي تبقى في أمريكا لكنها رفضت وقبل عودتها بأيام استجابت لدعوة لزيارة معامل نووية في ضواحي كاليفورنيا في 15 أغسطس، و في طريق كاليفورنيا الوعر المرتفع ظهرت سيارة نقل فجأة؛ لتصطدم بسيارتها بقوة و تلقي بها في وادي عميق، قفز سائق السيارة و اختفى إلى الأبد. توفيت سميرة موسى في 5 أغسطس 1952 وكان عمرها 35 عاماً.
بداية الشك في حقيقة مصرعها
أوضحت التحريات أن السائق كان يحمل اسمًا مستعارا و أن إدارة المفاعل لم تبعث بأحد لاصطحابها كانت تقول لوالدها في رسائلها: «لو كان في مصر معمل مثل المعامل الموجودة هنا كنت أستطيع أن أعمل حاجات كثيرة». و لقد علق محمد الزيات مستشار مصر الثقافي في واشنطن وقتها أن كلمة (حاجات كثيرة) كانت تعني بها أن في قدرتها اختراع جهاز لتفتيت المعادن الرخيصة إلى ذرات عن طريق التوصيل الحراري للغازات و من ثم تصنيع قنبلة ذرية رخيصة التكاليف. و في أخر رسالة لها كانت تقول: «لقد استطعت أن أزور المعامل الذرية في أمريكا و عندما أعود إلى مصر سأقدم لبلادي خدمات جليلة في هذا الميدان و سأستطيع أن أخدم قضية السلام»، حيث كانت تنوي إنشاء معمل خاص لها في منطقة الهرم بمحافظة الجيزة و لا زالت الصحف تتناول قصتها و ملفها الذي لم يغلق ، و أن كانت الدلائل تشير - طبقا للمراقبين - أن الموساد، المخابرات الإسرائيلية هي التي اغتالتها ، جزاء لمحاولتها نقل العلم النووي إلى مصر والعالم العربي في تلك الفترة المبكرة.
نبذة عن حياتها
ولدت سميرة موسى في قرية سنبو الكبرى – مركز زفتى بمحافظة الغربية في مصر.
1- اهتماماتها النووية
حصلت على شهادة الماجستير في موضوع التواصل الحراري للغازات سافرت في بعثة إلى بريطانيا درست فيها الإشعاع النووي، و حصلت على الدكتوراة في الأشعة السينية و تأثيرها على المواد المختلفة.
2- معادلة هامة توصلت اليها
أنجزت الرسالة في سنتين وقضت السنة الثالثة في أبحاث متصلة وصلت من خلالها إلى معادلة هامة (لم تلق قبولاً في العالم الغربي آنذاك) تمكن من تفتيت المعادن الرخيصة مثل النحاس ومن ثم صناعة القنبلة الذرية من مواد قد تكون في متناول الجميع ، و لكن لم تدون الكتب العلمية العربية الأبحاث التي توصلت إليها د. سميرة موسى.
3- اهتماماتها السياسية
و كانت تأمل أن يكون لمصر والوطن العربي مكان وسط هذا التقدم العلمي الكبير، حيث كانت تؤمن بأن زيادة ملكية السلاح النووي يسهم في تحقيق السلام، فإن أي دولة تتبنى فكرة السلام لا بد و أن تتحدث من موقف قوة فقد عاصرت ويلات الحرب و تجارب القنبلة الذرية التي دكت هيروشيما و ناجازاكي في عام 1945 ولفت انتباهها الاهتمام المبكر من إسرائيل بامتلاك أسلحة الدمار الشامل وسعيها للانفراد بالتسلح النووي في المنطقة. كما قامت بتأسيس هيئة الطاقة الذرية بعد ثلاثة أشهر فقط من إعلان الدولة الإسرائيلية عام 1948 حرصت على إيفاد البعثات للتخصص في علوم الذرة فكانت دعواتها المتكررة إلى أهمية التسلح النووي، ومجاراة هذا المد العلمي المتنامي نظمت مؤتمر الذرة من أجل السلام الذي استضافته كلية العلوم و شارك فيه عدد كبير من علماء العالم و قد توصلت في إطار بحثها إلى معادلة لم تكن تلقى قبولاً عند العالم الغربي.
وأخيراً
ويبقى السؤال
لماذا قيدت القضية ضد مجهول وهل ماتت د.سميرة ميتة عادية أم أنه حادث اغتيال؟

المصدر: منتدى منتديات الحب الرومانسية

نظريات الدكتور شعبولا

نظريات الدكتور شعبولا

طبعا كده باختصار من غير لف ودوران كلامنا عن نوع معين من دكتارة الجامعة قبل ما اتكلم في حاجة احب اقول ان في دكتارة كويسين جدا وبنكن ليهم كل احترام وتقدير لكن كلامنا هنا ع نوع معين من الدكتارة منتشر في أغلب الجامعات

واللي بينطبق عليهم وصف الشعبولاين نسبة إلي شعبولا

طبعا لو كنا قولنا الكلام ده قبل 25 ينايركان هيبقي مصيرنا حاجة من اتنين

1.ياحارس الجامعة قبل ما يتلغي طبعا يأخدنا من افانا كده بكل أحترام من غير تهزيق ولا بهدلة ولا حاجه ما انتم عارفين طبعا(سامحني يارب)

مش بعيد كانوا يلبسونا قضية حيازة أوراق وأقلام بدون تصريح

ومحاولة زغزغة الامن والاستقرار الجامعي ولحس دماغ الطلاب ع أساس أنهم جيلاتي مثلا

ويتهمنا القذافي اننا من حركة المقاومة ومن انصار أسامة بن لادن كل ده عشان حاولنا نقول الدكتورفلان ظلمني

أو الطريق التاني الدكتور شعبولا يبهدلنا في الدرجات ويسحب الكارنيهات ونتمنع من دخول المحاضرة او ندخل بس نتذنب ع الحيط ونرفع أيدينا لفوق طول المحاضرة عشان نكون عبرة ومحدش يفكر يقول أن الدكتور شعبولا مش عسول

خلونا بقي ندخل في موضوعنا ونعرفكم مين هو الدكتور شعبولا زي ما قولنا قبل كده الدكتور شعبولا منتشر في أغلب الجامعات والكليات

الدكتور شعبولا ليه شوية أفكار ونظريات قبل ما نقولها نحب نقدم خالص أعتذرنا للمطرب الشعبي التشعبي شعبولا

نظريات الدكتور شعبولا

*نظرية أية :

دكتور شعبولا في النظرية دي عامل زي شعبولا المطرب بالضبط كل اللي بيعملة أنه بيغير شوية كلمات بسيطة في الأغنية ويفضل اللحن وريتم الأغنية زي ما هو بمعني أخر أنه بيكرر في الأغاني من غير ما يحاول يطور فيها ولازم كل مقطع في الأغنية ينتهي بإيه لو مفهيهاش ايه يبقي أكيد أنت بتستهبل وقلبت المحطة وبتسمع حد تاني هو ده بالضبط اللي بيعمله الدكتور شعبولا نفس الكتاب اللي 50سنة هو هو مكتوب ع نفس ورق البردي اللي كان من أيام الفراعنة بنفس طريقة الشرح والأسلوب مفيش تغير ملوش دعوة الدنيا تتغير المادة تتغير العقول تتغير هو رافع شعار لا للتغير اللي يطلع من دارة يتقل مقدارة

لو في خطأ مطبعي أو لغوي أوعي تتهبل وتفكر تصححه في الامتحان لان كده معناه أنك مبتحضرش المحاضرة ما أنت لو مكنتش بايز وكنت بتحضر كنت عرفت أن الدكتور مصلحوش في المحاضرة أه يا فاشل

*نظرية التفاحة:فاكرين الساحرة الشريرة اللي كانت بتجي مع سنو وايت في الفيلم أيوة دي أحدي نظريات الدكتور شعبولا كانت الساحرة دي بتدي لسنو وايت تفاحه حمرا وجميلة بتلمع وعاملة نفسها غلبانة وبتساعدها واول ما سنووايت تقضم التفاحه الحاجة الساحرة دي تتحول ويبان شرها هو ده اللي بيعملة الدكتور شعبولا يقعد يدينا ماده ويجبلنافي الامتحان مادة تانية خالص او امتحان سهل ونحل صح ونراجع معاه يقولنا امتياز ونلقي الامتياز بعد كده في النتيجة كحكه بسكر

*نظرية جدو: طبعا يا كماحة بالنسبة لسن الدكتور شعبولا فهو صغير قوي يعني فوق ال 70بشوية بس ربنا يديله طولة العمر لسه في عز شبابة مكملش قرن فراعنة بقي انا بس اللي صعبان عليا انهم بيتعبوة يجبوه من العناية المركزة عشان يدي المحاضرة واللهي حرام عليكم يا وحشين وطبعا بما أن الدكتور شعبولا صغير كده مفيش تواصل ولا تقارب في الأفكار بينه وبين الطلاب مع احترامنا للعقليات الكبيرة بس السن له حكمه برده مينفعش نبقي احنا بنتكلم علي الفيس والنت والدكتور شعبولا لسه بيكلم عن بناء الاهرامات ليه ما ميطلعوش علي المعاش ع السلم علي أي حاجة المهم يطلعوا من سن ال60زي باقي خلق الله

*نظرية الحمار والجزرة: دي بقي مش من الجامعة بس دي من اول مراحل التعليم لاخرها لازم تعرف أن الحمار مش أذكي منك الحمار حافظ مش فاهم انت برده لازم تبقي كده الحمار بيحفظ ازاي يروح بيته كل يوم من نفس الطريق لو الشارع اتسفلت ولا حاجه ممكن يتوه

ولأنه حافظ مش فاهم لو كنت راكب عليه ونزلت قدامه عصايا فيها جزرة هيفضل يجري وراها علي أمل أنه يمسكها ما هو حمار بقي وللاسف هي نفس النظرية اللي متبعة معنا من كي جي ون أطبع الكتاب زي ماهو متسألش متناقش أكبر منك يوم يعرف عنك ب365يوم متقولش لا لا حرام شرعا لازم تنقل بس متفهمش تنقل بالنص بالنقطة لو نسيت النقطة تبقي مذكرتش كويس ولازم تنقص يعني عايزين اللي كتب النقطة ياخد درجة زي اللي مكتبهاش امال هنميز الطالب الشاطر من الخايب ازاي لازم يبقي في مساواه

والنتيجة النهاية لكل مراحل التعليم دي :طالب متخلف عقليا متأخر أجتماعيا مقهور نفسيا دماغة بقت مهلبيه

أتمني أن يغير الدكتور شعبولا من نظرياته أو يتغير الدكتور شعبولا يجيبوا عمرو و دياب مثلا

وبعد ثورة 25 يناير شعارنا هو الطلابة تريد تغير شعبولا وأأأااااااايه